ഇടിമിന്നലേറ്റ് യുവാവ് മരിച്ചു

ആലപ്പുഴ: ചെങ്ങന്നൂരില്‍ ഇടിമിന്നലേറ്റ് യുവാവ് മരിച്ചു. മുളക്കുഴ പുത്തന്‍പീടികയില്‍ അഷറഫ് പിഎമ്മിന്റെയും-സുനീതയുടേയും മകന്‍ ആസിഫ് അഷ്റഫ് (23) ആണ് മരിച്ചത്. ഇന്ന് വൈകിട്ട് 5.45ഓടെയാണ് അപകടം. പുത്തന്‍കാവ് പള്ളി ഗ്രൗണ്ടില്‍ ഫുട്ബോള്‍ കളിക്കുന്നതിനിടെയാണ് ഇടിമിന്നലേറ്റത്. ഉടനെ മാലക്കര ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പ്രവാസിയായ ആസിഫ് അഷ്റഫ് അവധിക്ക് നാട്ടിലെത്തിയതായിരുന്നു. മെയ് 15ന് ദുബായിലേക്ക് മടങ്ങാനിരിക്കേയാണ് മരണം