ഓർമ്മകളുടെ നോവറിഞ്ഞ്, സ്നേഹാദരങ്ങളോടെ തലസ്ഥാന നഗരി...
മുസ്ലിം ലീഗ് തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ച ബീമാപ്പള്ളി റഷീദ് അനുസ്മരണ സമ്മേളനം പ്രിയനേതാവിന്റെ മായാത്ത ഓർമ്മകൾ കൊണ്ടും വികാരനിർഭരമായ മുഹൂർത്തങ്ങൾ കൊണ്ടും നെഞ്ചകം തൊടുന്നൊരു അനുഭവമായി മാറി.
പാണക്കാട് തങ്ങൾ ഹാളിൽ തടിച്ചുകൂടിയ ജനസഞ്ചയവും പ്രമുഖരുടെ സാന്നിധ്യവും ആ വ്യക്തിപ്രഭാവത്തിന്റെ വ്യാപ്തി വിളിച്ചോതുന്നതായിരുന്നു.
"പൊതുപ്രവർത്തനത്തിൽ ലാളിത്യവും മാന്യതയും വ്യക്തിശുദ്ധിയുമാണ് പ്രധാനം. സ്വയം സമർപ്പിതമായ ജീവിതശൈലി കാത്തുസൂക്ഷിച്ച മാതൃകാ നേതാവായിരുന്നു ബീമാപ്പള്ളി റഷീദ്..." - അനുസ്മരണ സമ്മേളനം ഉദ്ഘാടനം ചെയ്തുകൊണ്ട് മുസ്ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി കുറിച്ച വാക്കുകൾ സദസ്സിന്റെ ഹൃദയത്തിൽ തട്ടി.
പാണക്കാട് സയ്യിദ് ബഷീറലി ശിഹാബ് തങ്ങളുടെ പ്രാർത്ഥനാ നിർഭരമായ സാന്നിധ്യവും, സംസ്ഥാന ജനറൽ സെക്രട്ടറി പി.എം.എ. സലാമിന്റെ അനുസ്മരണ പ്രഭാഷണവും ചടങ്ങിന് ആത്മീയവും വൈകാരികവുമായ ഔന്നത്യമേകി. മന്ത്രിമാർ, ജനപ്രതിനിധികൾ, സാമൂഹിക-സാമുദായിക രംഗത്തെ പ്രമുഖർ, ലീഗിന്റെ സംസ്ഥാന-ജില്ലാ ഭാരവാഹികൾ തുടങ്ങി വൻനിര തന്നെ പ്രിയനേതാവിന് പ്രണാമമർപ്പിക്കാൻ ഒന്നിച്ചണഞ്ഞു.
തലസ്ഥാനത്തെ പ്രസ് ക്ലബ്ബ് അറുപതിന്റെ നിറവിൽ . വജ്ര ജൂബിലി ആഘോഷത്തിന് തുടക്കം.
പ്രവാസികളുടെ ഹൃദയം കവർന്ന ഈസാക്ക
കേരളത്തിന്റെ വികസനസ്വപ്നങ്ങൾക്ക് കരുത്തേകി വിഴിഞ്ഞത്ത് ആദ്യ ഇറക്കുമതി കണ്ടെയ്നറെത്തി
തീരാവേദനയിലും മകൻ്റെ അവയവ ദാനത്തിലൂടെ എട്ട് മനുഷ്യർക്ക് പുതുജീവൻ നല്കുകയാണ് മരിച്ച രുദ്രേഷിൻ്റെ മാതാപിതാക്കൾ.